NASEHAT BALI

 

APE PULE KETO ALAP!

Amongken je kereng ne iye nuturang paukudan irage ..

Jeg baang!

Bilih-bilih nyak kanti keles cadikne nuturang!

Amongken je demenne iye mlegendahang dewek irage...

Jeg tolih dogen!

Ape buin nyak kanti mekecos batun peningalane mlegendahang!

Amongken je liangne iye maan ngaenang irage pakeweh .

Jeg iklasang lonto!

Ape buin ngidang iye kendel ulian ngemaang irage pakeweh!

Kewale ingetang dogen...

Hidupe ento nak gumanti silih bayah..

Hidupe ento nak satue malunan ken durinan..

Hidupe ento tuah nyalanang pakideh lemah peteng...

Pamuputne ape je ane pule keto masih ane lakar alap..

Joh-johang mlali gigis apang tepuk ane madan tis panes kehidupan ne sujati!

Anak hidupe tusing je tuah tate care irage nyalanang karma idupe ne jani dogen..

Kewale hidupe ento masih unduk polah palih iraga nentuang karma idup ane bin pidan...

Tuah je saje..

Hidup ento cara nak mengipi buat iye ane nyalanang gagelaran dharma..

Hidupe ento care plalianan buat iye ane sugih sing kuangan ape..

Lan hidupe ento care anak kene pastu buat iye ane tusing ngelah nang ape!

Kewale Yen pikir-pikir..

Ngudiang men to sanget pikir..

Intine lemah peteng nu mekelo..

Yen jani kene meh bin mani kenken..

Amongken je sebete jani nak amonto kel tepuk liange bin mani!

INTINE..JEG SLOW GEN!!!

Ne penting nu ngidang mekenyem..

 

Share: